Ntouma Ghir Kathdro Lyrics & Tabs by Muslim
Ntouma Ghir Kathdro
guitar chords lyrics
ماكانعرف والو فالسياسة
كنعرف بلي فقهر الشعب بدلت الرئاسة
ما على باليشي شكون تكلاسا
على بالي بللي طلع بصوت البؤاسة
ولا عندنا رئيس حكومة
حيث المغرب كان قريب يطيح فالكومة
مظاهرات و شعارات مسمومة
و الفوضة اللي بانت بحال اللي مخدومة
شحال من تيّار و أفكار متناقضة
فساحة التحرير واقفة متحدة
ناس فاهمة شكاتقول، ناس غير حافظة
ناس عارفة شباغية، و ناس غير شاهدة
نقدروا نقولوا بللي الثورة كانت ناجحة
حيث مخترناشي بزاف غير شحال من نبحة
وجا السكات و تقلبات الصفحة
نقدروا نقولوا بللي الثورة كانت ناجحة
حيث مخترناشي بزاف غير شحال من نبحة
وجا السكات و تقلبات الصفحة
هادي هي السياسة مُجرد مزحة
هنا... آيــيه غي هنا!!
فين أحلامنا تبخـــروا ...
فين أحلامنا نتاحــروا ...
فين أحلامنا تقَبْــرُوا ...
و انتوما غي كاتهدرُوا ...!!
مـأنا بوزبال مـأنا كيليميني
وغاندوز فيهم بزوج حيث الفقر كايتريني
الضحكة ديالي كتبكيني
مصاحب غي المشاكل و الأزمة كاتبغيني
ڭالس فالقهوة فجيبي ثمن كاس دتاي
فالتلفزة عاملين فيلم كيجيب القَيْ
قلبنا جبرنا مسرحية للفنان بنكيران
وَمَانْ شُو فالبرلمان
مفهمنا والو من غير مافيدو والو
أحلام دبالو و الدموع الخايبة سالو
الأمل كان مُخدِر و دبا زال مفعولو
واش هكذا غاد تبقاو غي كتقولو
بصحتو الكرباطة
وبصحتو اللي بقا فظهروا مرسوم الطابع دالزرواطة
حكومة ظابرا صباطها
الطريق طويلة و الجبال خاصها تواطا
هنا... آيــيه غي هنا!!
فين أحلامنا تبخـــروا ...
فين أحلامنا نتاحــروا ...فين أحلامنا تقَبْــرُوا ...
و انتوما غي كاتهدرُوا ...!!
سيدي الرئيس
واش كتمثلني ولا علي كتمثل
واش هادي غير مسرحية و السيناريو معدل
ولا راك بحالي مقوْلب وقريب تهبل
واش معنا ولا معاهم ولا راك فشكل
ولا جبرتي اللعب كبير عليك و بديتي تعكل
جبرتي الدولة غولة حتى الشعب مغوّل
عديانك دايرين بيك شحال من فم عليك يڭوّل
ڭولي باش عتبدا واش تخلي واش تزول
متنساشي بللي الدرويش عليك معوّل
طالب التغيير ودبا حالُ كاع متبدل
باقي عايش مقهور يشرب من كيسان الذل
ملي تفكر مزيان عاود ولي فكر من لاول
إذا كان الصندوق خاوي كانظن من الشعب يمول
قبل ماتظلم اللي صوتوا عليك سقسي سول
حيث عندليب الفقر هنا كيمول
هنا... آيــيه غي هنا!!
فين أحلامنا تبخـــروا ...
فين أحلامنا نتاحــروا ...فين أحلامنا تقَبْــرُوا ...
و انتوما غي كاتهدرُوا ...!!
