I dù camios Lyrics & Tabs by Bepi & The Prismas
I dù camios
guitar chords lyrics
Söla strada de la Al Caalìna gh'è sö dù camios
E mé co' la mé Peugeot a ga sto fo 'ddré
Ga ramperès infìna a sö sura
Perché i va là a vintesìc a l'ura
E me g'avres piasèr de 'ndà a la mé cà
Söla strada de la Al Caalìna gh'è sö dù camios
E mé co' la mé Peugeot semper lé de drè
Töce i olte fo per surpasài
E töce i olte ède du fanài
Alura turne dét e tire zo trì purcù
Quase quase a Cenate
Gire det fo Tribülina e Gaàren
A belàse ciao patate!
A fo prima 'n gròpa a ön àsen!
Söla strada de la Al Caalìna gh'è sö dù camios
A belàse ciao patate!
A fo prima 'n gròpa a ön àsen!
Söla strada de la Al Caalìna gh'è sö dù camios
E la solita Peugeot bianca lè 'nculada al cül
A maià sö töt ol scapamént
Trà fò la crapa e edì nént de nént
Perché denàcc lèse doma sö Long Vehicle
Söla strada de la Al Caalìna gh'è sö dù camios
adès cumìnse a püdinne piö de 'ndà mia là
Scale la marcia a fo per partì
De l'otra banda du muturì!
Ma zio 'm pé nücc prope adès i ga de saltà fò chi lé!
Quase quase 'ndo sö de Trate
Fo Gaverina e pò 'l Pàs San Gàl
A belàse ciao patate!
Dopo ön ura so a Casàl!
Basta adès ma so rumpìt i tole!
Schisso a fondo l'acceleratore
Scorgo luce e 'ndo vià a manèta
Camios del menga ma 'nni dàcc öna fèta!
La Peugeot a 48méla gir
Al mür in banda ga fo 'nfina 'l fil
Se 'l rìa vergü ché i ma fa sö a tòc
Pase ü forse a ga rìe a chèl ot
Sé sé!
Teh, teh e po' amò teh!
De la fa la Al Rosa al ma 'nteresa nént
Adès a Soer a rìe fò col vént
So trop cuntét de it pasàt i du bö
Che adès a so curgiùs de èt chi c'al ma ferma piö!
Sö la strada de la Al Caalìna gh'è öna palèta
E lé tecàt a la palèta gh'è ü carabiniér
I ma fermerà mìa prope mé?
Fì mìa di schèrs adès che ghi o fò 'dré!
Ala disperàda proe a molà ü falì e a tirà 'ndré l pé
Sö la strada de la Alcaalina gh'è sö du camios
Chi va là a vintesìc a l'ura e i sa sposta gnàc
Dés pùcc de meno sö la mé patente
E amò de dré lé come ü deficiente
E per de piö i ha metìt la freccia e i gira per Clüsù!
