Ang Bansa Ng Pambansa Lyrics & Tabs by Radioactive Sago Project
Ang Bansa Ng Pambansa
guitar chords lyrics
May Pambansang Sagisag itong mahal kong bayan:
May Pambansang Bayani na si Gat Jose Rizal,
May Pambansang Awit din itong Lupang Hinirang
Na pati ang pagkanta'y pagmumulan ng away!
Para itong Pambansang Alagad nitong Sining
Na ginawang aliwan? Sa halip na aralin
Kung bakit ang Pambansang Sayaw itong tinikling
O sipa ang Pambansang Laro't Laruan natin?
Samantalang sa suntok tayong lahat sumikat
Sa bawat pagwagayway ng Pambansang Watawat.
Kaya Pambansang Araw ay dapat na ilipat
Sa laban ng Pambansang Kamao itatapat.
Kahit ang kahayupan ay ating dinakila:
Isa nga itong bangus na Pambansa na Isda
Ngunit higit sa lahat ang pinaka-Pambansang
Hayop ay ang kalabaw na may Pambansang Wika.
Kung agila nga itong ating Pambansang Ibon
Bakit ito ay galing sa salitang Espanyol?
Ginawa pang pundasyon ang kinathang "Haribon"
Gayong may katutubong pangalan na si Banoy!
Mayroon ding Pambansang Puno tayo sa nara,
Mayroon ding Pambansang Prutas tayo sa mangga;
May Pambansang Bulaklak tayo sa sampaguita,
May Pambansang Damo ba na di marijuana?
Palay, bigas, kanin lang ang dapat na igiit
Na Pambansang Halaman sa panahon ng krisis;
Palay, bigas, kanin lang — at hindi lechong biik —
Ang Pagkaing Pambansa, kung di man Pandaigdig!
Maligayang Araw ng Kalayaan!
Ngayon araw, madaming tao ang natutuwa kasi holiday. Walang Pasok. Tapos tska pa lang nila maiisip na Araw ng Kalayaan pala ngayon araw.
