حلم Lyrics & Tabs by ام كلثوم
حلم
guitar chords lyrics
حبيب قلبي وافاني في ميعاده
ونوّل بعد ما طول بعاده
حبيب قلبي قابلني وهو متبســم
وطمني على وصله
وقــال لي بعد ما ســلّم
كـــلام القلب يرقص له
بقى يقول لي وأنا أقول له
يقول لي قلبي بيودك
أقـــول لــه قلبي أنا أكثر
يقول لي اد إيه حبّك
أقـــول له فوق ما تتصور
وأقول له خايف لتنساني
يقول لي مستحيل اقدر
بقى يقول لي وأنا أقول له
وخلّصنا الكلام كله
يقول لي مستحيل اقدر
بقى يقول لي وأنا أقول له
وخلّصنا الكلام كله
قريب وبعيد وبقينا نـقول ونعيد بعينينا
عيون لعيون تتكلم بسر القلب وتترجم
وروح مع روح تتجانس
وأيد على أيد بتســـلم
بتسلم ســـــــلام مشتاق
نســــينا الدنيا ولهينا في هوانا وطرنا وعلينا
لا عواذل واقفة حوالينا ولا ذنب يتعد علينا
سكوت وسكون وإيه حيكون
ما فيش غير النجوم تضوي ولا غير القمر ناظر
ولا غير الغصون تهمس ولا غير النســـيم عابر
وأنا في دي النعيم هايم
لقيته منام وحلم وراح مع الأحلام
ياريته دام ودام نـــومي كده أعوام
وأنا وهو في دي النشوة
نعيش في ســــــلام ولو في منام
