Ume Früelig Lyrics & Tabs by Stiller Has
Ume Früelig
guitar chords lyrics
Es isch ume Früelig
Si hei scho d Granium duss
U ir Stadt spile d Indianer Flöte
U di Junge küsse am Fluss
Nume i hocke i dr Wonig
Zwüschen üs isch Schluss
Los i gloube dr Früelig
Wird für mi kei grosse Gnuss
Es isch ume Früelig
U d Hippis spile Frisbee
U di Jodler jodle voll Luscht
Nume i ha dr absolut Fruscht
I dere Früeligsbluescht
U ou dr Dräck vom letschte Hochwasser
Hei si scho dännegruumt
I dere Früeligsbluescht
U ou dr Dräck vom letschte Hochwasser
Hei si scho dännegruumt
I däm Land trifft's gäng di Unschuldige
Das bin i mi scho gwöhnt
Es isch ume Früelig
Du sigsch gäng bi mir
U würdisch gäng bi mer si
U glych hocken i allei
Vor mym Zwöier Wy
Ja ja, d Liebi isch ewig
Solang si het
Drum ligt ou en andere
Näbe dir im Himelbett
Es isch ume Früelig
Mir hei di alte Sibesache
Guet verhänkt
Mir hei di gschänkte Rösser
Scho lang wytergschänkt
U dr Räscht mues i mir schänke
Nie hätt i mir das dänkt
Mir hei die gschänkte Rösser
A anderi wytergschänkt
Es isch ume Früelig
Es isch ume Früelig
Im Troumlexikon
Sueche mir üsi Tröim
U di Zugvögu vögle
I de Chirschiböim
Überall nume Lache
Nume mir geit's schlächt
U dr nächscht richtig Früelig
Chunnt spätischtens im Herbscht
