Aai Aai Yena Zara Lyrics & Tabs by Salil Kulkarni
Aai Aai Yena Zara
guitar chords lyrics
आई, आई ये ना जरा बाबा कडे बघ
बाबाच्या डोळ्यांमधे पावसाचे ढग
बाबा असा बघायला दिसे ना गं बरा
अळिमिळी गुपचिळी पडलेला वारा
हले नाही डूले नाही जसा काही फोटो
आवाजही त्याला माझा लांबूनच येतो
उभा तर उभा आणि बसे तर बसे
हसे तेव्हा अजुनच कसनुसा दिसे
विचारले बाबा काय पाहतोस सांग
बघे म्हणे आभाळाचा लागतो का थांग
काय सांगू पोरी तुला कळणार नाही
आभाळ न आले हाती जमीनही नाही
चहूकडे कोंडलेल्या जगण्याच्या दिशा
हाती नाही काम गाडा चालायचा कसा
घोडा झालो तरी काही शिकलोच नाही
चहूकडे कोंडलेल्या जगण्याच्या दिशा
हाती नाही काम गाडा चालायचा कसा
घोडा झालो तरी काही शिकलोच नाही
विकायाच्या जगामधे टिकलोच नाही
आणि मग उठोनिया कुशीमधे मागे घेतो
ओले डोळे पुसोनिया ओली पापी घेतो
घाबरतो जीव बाबा असे काय बोले
चित्रातले रंग त्याच्या जसे ओले ओले
चेहऱ्याचा रंग त्याच्या सांग कोणी नेला
हसणारा बाबा कुणी पळवून नेला
