Nekandiba Lyrics & Tabs by Bhupen Hazarika

Nekandiba

guitar chords lyrics

Bhupen Hazarika

নেকান্দিবা নেকান্দিবা মোৰে নতুন কইনা
পাহাৰ বগাই ধৰি আনিম তুমি খোজা মইনা মইনা
নেকান্দিবা কইনা।

আনৰে সোণ লুকুৱাবলৈ - পিতায়ে শিক্ষা নিদিলে
সমাজৰ ধন চান কাঢ়িবলৈ - আয়ে শিক্ষা নিদিলে
কুবেৰৰো পো নহলোঁ দিবলৈ সোণ গহনা
পাহাৰ বগাই ধৰি আনিম
এটি জীয়া মইনা
মইনা
নেকান্দিবা কইনা।
ধনীৰ ঘৰত পৰাহেঁতেন, আজি তুমি কইনা
পেৰা ভৰাই মণি-কেৰু পালাহেঁতেন কতনা
(আজি) পাহৰিব খোজা যদি পেটৰ ভোকৰ যাতনা
দেখুৱাব পাৰোঁ মই কংশবধৰ ভাওনা ভাওনা
নেকান্দিবা কইনা।

(আজি) পাহৰিব খোজা যদি পেটৰ ভোকৰ যাতনা
দেখুৱাব পাৰোঁ মই কংশবধৰ ভাওনা ভাওনা
নেকান্দিবা কইনা।
আনক মাৰি ধন সাঁচিবলৈ - গুৰুৱে শিক্ষা নিদিলে
মিঠাতেলত বিহ ঢালিবলৈ - গুৰুৱে শিক্ষা নিদিলে
আগলি বাঁহৰে যদি লাহৰী গগনা
শুনিব খুজিছা তুমি বজাই শুনাম মইনা
মইনা
নেকান্দিবা কইনা।।