Geischterbahn Lyrics & Tabs by Stiller Has
Geischterbahn
guitar chords lyrics
Ds läben isch e geischterbahn
am morge früeh im erschte tram
obwohl ke fasnacht isch het's larve
e schöne tag
suberi purschte
gseh hinger jedere maske
scho e nöji füre cho
i däm kaschperlitheater
es isch wie z' wien
im wurschtelprater
i gloub i spinne
es isch der angschthas
i mir dinne wo mir seit
nei häsu jetzt blybsch da
deheim isch dert
i mir dinne wo mir seit
nei häsu jetzt blybsch da
deheim isch dert
wo me nid usecha
es tuet eim grusle
me wott use
öpper schtygt us
me steit uf d' syte
fahrt wyter mit em tram
ds läben isch e geischterbahn
so i ha zahlt
jetz wott i fahre
i ha e charte glöst
i wott go jätte zu mym p'anzblätz
u dert warte ob öppis chunnt
im schrebergarte
i sött go schnägge schnätze
spargle stäche
über ds verbräche drüber räche
go böim umsage
rase schpränge wäg planiere
platte häre
i gieng so schampar gärn go gartne
cha zwar nüt p'anze
doch i würd e zuun rund ume zieh
oder e haag us buchs
we glych öppis chäm
würd i bschütte wes nid schiffet
umestäche we das wätter e chli wott
aber i ha leider ke parzälle
nid emal es gartetor?
kes gärtli für e friede
wo i chönnt häreliege
ke stuehl, kes sofa, ke bode,
ke gartesitzplatz, ke prärie
u glych dänk i mir
das wär doch schön
es grab mit blueme druff
oder wenigschtens e lääre bluemetopf
i ha no nie e wohnig gha
i bi chli hie i bi chli da
chli überall u niene
und jetzt han i vergässe
warum i hie im tram desumefahre
mit däm spate i der hand
mit dene früsch putzte lüt
wo zum fänschter use luege
obwohl me wäg der wärbig
eh nüt meh gseht
jede quadratcentimeter wird gnutzt
für die bin i nume es gschpängscht
e schwarze gedanke wo mit ihne
ids wankdorf usefahrt
sie loufe eifach dür mi düre
als ob i gar nid würdi sii
stäle mir myni neui schu'e
und grabe sich sälber i
i bi so truurig
niemer wott mi gschpüre
si luege eifach wäg
di glyche lüt notabene
mit dene ig am änd
scho geschter im letschte tram
uf die allmänd bi use gfahre
ds läben isch e geischterbahn
am morge früeh im erschte tram
i zieh mis gsicht ab blybe gloon
und fahre bis zur ändstation
