Devoo Lyrics & Tabs by Toni Vescoli

Devoo

guitar chords lyrics

Toni Vescoli

Album : TegsassPlayStop

Scho mängi Nacht, vill verwacht
dänkt sie über 's Läbe na
Was hätt's ihre 'praacht,

was hätt sie druus gmacht
und was söll na wyter gah
Hüt schtaht sie uf,
schlycht is Zimmer vom Maa
holt si's Kombi zum Chaschte us
De Helm und d'Täsche und use in Gang
und use zum g'fürchige Huus
Da, grad hinedraa,
schtaht d'Maschine vom Maa
sie glitz'ret im Schterneliecht
Sie setzt de Helm uf, laat de Töff aa
als ob sie das jede Tag miecht

sie glitz'ret im Schterneliecht
Sie setzt de Helm uf, laat de Töff aa
als ob sie das jede Tag miecht
Us em Hof uf d'Schtraass,
zur Schtadt us mit Gas
und use uf d'Autobahn
Sie juchzet vor Freud, fühlt sich befreit
vome Läbe us Läbertran
Sie fahrt gäge Weschte,
's Läbe go teschte
da blinkt doch vo hinde scho d'Schmier
Sie wird überholt, e Lampe seit: HALT!
sie stopt, 's überschtellt sie na schier
"Was mached sie daa? Gaht's ihne naa?
Mit eme Töfflii uf de Autobahn z' Nacht
Händ sie en Uswys?"
Computer Nachwys
feschtgnoh - verhaftet - bewacht
D' A1 isch nöd d'Route 66
und Montreux nöd L.A.
und hinder dene Berge lyt
nöd d' San Francisco Bay
Doch für sie isch es d' Skyline
vo Manhattan,
nöd nume Schpreitebach
Em Maa si's Töffli isch doch e Harley,
und Englisch ihri Mueterschprach
Mer hätt's use gfunde:
vor e paar Schtunde
ime Altersheim devoo
'S Töffli blybt schtah,
's Müeti mitgnaa
aber sie läbt im Weschte sit do
Jetzt isch sie da, z' Amerika,
laat sich d'Illusione nöd näh
Hätt 's Läbe lang träumt,
sich jetzt eimal uf 'bäumt
und dänn sich em Schicksal ergää
Ja's Altersheim isch Alcatraz
und im Chefi näbedraa
da hockt de James Dean
vo Schliere, scho sit eewig ihre Maa
Doch 's gaht nöd lang,
da schlaaft sie y und lächlet na ganz lys
En schwarze Cadillac fahrt sie,
diräkt is Paradies

Like us on Facebook.....
-> Loading Time :0.0120 sec