D'Psyche vo dr Frou Lyrics & Tabs by Mani Matter
D'Psyche vo dr Frou
guitar chords lyrics
Liebi Lüt wär git mir Uskunft
über d'Psyche vo dr Frou
ha se jahrelang studiert
doch i verstah se nid genau
weiss nid wi si funktioniert
has scho mängisch usprobiert
und de merken i de immer
dass i vo de Frouezimmer
einfach nid e blasse Schimmer, nid e blasse Schimmer ha!
Mängisch tü sie eim umarme
überchöme gar nid gnue
und scho füf Minute speter
chere si eim der Rügge zue
und de wott i aube ga
dänke s'sig jetz nüt meh z'ha
chere si eim der Rügge zue
und de wott i aube ga
dänke s'sig jetz nüt meh z'ha
und de merken i de immer
dass i vo de Frouezimmer
einfach nid e blasse Schimmer, nid e blasse Schimmer ha!
Denn scho chum isch me zum Huus us
schtö si süfzend hinder eim
säge nei du darfsch nid ga
süscht hani z'Nacht no bösi Tröum
und we druf de no chli blibsch
heissts wi du geng übertribsch!
und de merken i de immer
dass i vo de Frouezimmer
einfach nid e blasse Schimmer, nid e blasse Schimmer ha!
