Siesta im Veedel Lyrics & Tabs by Brings
Siesta im Veedel
guitar chords lyrics
Meddach en mingem Veedel
Em Trappehuus rüch et noh Esse un Piß
Em Huusflur schlofe Kinderwage un Rädder
Siesta em Veedel, weil Meddach es
Die Katz vun nevvenan döös op d'r Mülltonn
Em Hingerhuus summp leis dä Fernseh-Dreß
Beim Türk vis à vis klappere höösch de Teller
Siesta em Veedel, weil Meddach es
Üvver dä Dächer parke Wolke
En d'r Pappel vörm Finster dräump e Neß
Die Nohbersch klöpp janz stomm ehre Suffkopp
Siesta em Veedel, weil Meddach es
Kei Lüffje röhrt sich en de Stroße
D'r Sarchmächer schnarch enner Keß
Die Minutte dröppe usem Wecker
Kei Lüffje röhrt sich en de Stroße
D'r Sarchmächer schnarch enner Keß
Die Minutte dröppe usem Wecker
Siesta em Veedel, weil Meddach es
Jott un d'r Düvel jon noh'm Tchibo
Se loße ming ärm Siel em Reß
De Nüßer Stroß stopp un hält de Luff an
Siesta em Veedel, weil Meddach es
Siesta em Veedel, Siesta em Veedel,
Siesta em Veedel, Siesta em Veedel, weil Meddach es
